Një apel i fortë nga Ambasada e SHBA në Tiranë i është drejtuar sot të gjithë prokurorëve dhe punonjësve të Policisë së Shtetit dhe asaj gjyqësore për tu bërë pjesë e Byrosë Kombëtare të Hetimit (BKH).

Me anë të një postimi në rrjetet sociale, ambasada amerikane shkruan se Shqipëria është në hapat e fundit të Zbatimit të Reformës në Drejtësi.

“Jeni prokuror, punonjës i Policisë së Shtetit apo Policisë Gjyqësore, i gatshëm për të luftuar për drejtësinë që çdo shqiptar meriton? Jeni person me integritet, përvojë profesionale dhe një sërë aftësish të nevojshme për të drejtuar dhe frymëzuar një grup prej rreth 60 hetuesish të Byrosë Kombëtare të Hetimit?

Nëse mendoni se përmbushni kriteret për të drejtuar një institucion të rëndësishëm të programit kundër korrupsionit në Shqipëri, aplikoni për pozicionin e Drejtorit të Byrosë Kombëtare të Hetimit (BKH).
Shqipëria është në hapat e fundit të zbatimit të reformës në drejtësi. Bëhu pjesë e historisë, apliko tani: https://bkh.al/aplikim/”-thuhet në njoftimin e ambasadës amerikane.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern