Një krim i rëndë ka tronditur Tiranën mbrëmjen e djeshme, ku kunati Eredet Çapoku ka vrarë me sende të forta kunatën e tij Enkeleda Çapoku në banesën e kësaj të fundit në Paskuqan.
Mësohet se deri para dy vjetësh, viktima dhe autori i krimit jetonin në një shtëpi, por për shkak të konflikteve ata ishin ndarë dhe jetonin me qera afër njëri-tjetrit.
Viktima jetonte me vajzën e saj, ndërsa bashkëshorti ndodhet në burg aktualisht, pasi vuan dënimin me 10 vjet heqje lirie pasi akuzohet për trafik droge.
Sipas informacioneve që vijojnë të dalin, kunati e përndiqte Enkeledën, edhe kur shkonte në punë duke i bërë fotografi.
Viktima punonte në një fabrikë këpucësh, dhe autori ja dërgonte fotot edhe vëllait të tij në burg, duke i shtuar akoma dhe më shumë sherret brenda familjes.
Madje për këtë arsye gruaja kishte bërë dhe denoncim në polici duke marrë kështu dhe një urdhër mbrojtjeje në Komisariatin e Kamzës.
Mesa duket e gjitha kjo situatë i kishte shtuar akoma dhe më shumë tensionet duke sjellë dhe aktin final makabër mbrëmjen e djeshme, ku autori është futur në banesën e saj duek shkelmuar derën dhe duke e vrarë me sende të forta Enkeledën në sy të vajzës dhe nënës së saj.
Nëna e Enkeleda Çapokut, e cila ka qenë e pranishme në momentet e krimit të rëndë, që ka ndodhur mbrëmjen e djeshme ka rrëfyer momentet e vrasjes së vajzës së saj, nga kunati Eredet Çapoku.
Madje edhe burri i Enkeledës ka qenë në dijeni për konfliktet duke i dhënë një porosi bashkëshortes.
“Enkeleda ruaju se nuk kam çfarë t’ju bëj që këtu”, mësohet të ketë thënë ai nga qelia ku vuan dënimin.
Këtë fakt e ka treguar e ëma e viktimës sot , duke zbardhur edhe dinamikën sesi vajza e saj u vra nga kunati me sende të forta.
“Ky maskarai herë pas here i bënte presion. Vajza e denoncoi në polici të Kamzës, por ky vazhdoi duke i dalë gocës përpara, do të të vras do të të bëj. Dhe pastaj fillova ta shoqëroj unë vajzën.
Mbrëmë erdhi dhe shkelmoi derën derën. Unë thirra Enkeledën se ishte në gjumë. Mua ma futi në levë. E preu me thikë nga faqja te hunda. I ka pre edhe damarët e duarve. Unë dola te dritarja duke i thirr çunit hajde se kanë vra Enkeldën. E dërguan te spitali por ajo kishte mbaru që këtu”, ka rrëfyer nëna e tronditur mes lotëve.
