U kap me tre kamion të ngarkuar me gurë decorative/ Arrestohet 44 vjeçari në Malin e Tomorrit (Detaje)

Një 44-vjeçar me iniciale I.L., nga Poliçani është arrestuar ditën e djeshme nga Policia e Beratit pasi është kapur në Malin e Tomorrit me tre kamionë të ngarkuar me gurë dekorativë.

Sipas njoftimit të policisë , më datë 08.01.2020 Strukturat e Drejtorisë së Policisë Berat në bashkëpunim me Strukturat e Policisë Skrapar në kuadër të operacionit “Të luftës kundër shkatërrimit dhe mbrojtjes së Malit të Tomorit”, u rerferuan materialet pranë Prokurorisë e Beratit, për shtetasin I.L, 44 vjeç, pasi është kapur nga ana e forcave policore me 3 mjete kamion, me targa AA235OP, SK1872A, AA863KV, të ngarkuara me gurë dekorativë.

Materialet iu referuan Prokurorisë së Rrethit Gjyqësor Berat, për veprën penale “Dëmtimi i habitateve në zonat e mbrojtura mjedisore” të parashikuar nga neni 202/b të K.Penal.

Njoftimi i policisë:

“Skrapar më datë 08.01.2020, nga ana e Strukturave të Drejtorisë Vendore të Policisë Berat, në bashkëpunim me Strukturat e Komisariatit të Policisë Skrapar, në kuadër të operacionit  “Të luftës kundër shkatërrimit dhe mbrojtjes së Malit të Tomorit”, u rerferuan materialet pranë Prokurorisë së Rrethit Gjyqësor Berat, për shtetasin I.L, 44 vjeç banues në  Poliçan, pasi është kapur nga ana e forcave policore me 3 mjete kamion, me targa AA235OP, SK1872A, AA863KV, të ngarkuara me gurë dekorativë.

Materialet iu referuan Prokurorisë së Rrethit Gjyqësor Berat, për veprën penale “Dëmtimi i habitateve në zonat e mbrojtura mjedisore” të parashikuar nga neni 202/b të K.Penal.

Vazhdon puna për pastrimin e Malit të Tomorit, nga eskavatorët  dhe mjetet e tjera të rënda“, njofton ndër të tjera policia.