Forcat e Ndërhyrjes së Shpejtë (FNSH) pas hetimit për shpërdorim detyre, po zhvillojnë një aksion të papritur në qytetin e Durrësit për arrestimin e disa efektivëve të policies.
Nga burimet mësohet se janë janë arrestuar 11 inspektorë, zbatues, ndërtues dhe efektivë policie.
Ndërkohë pritet të arrestohen edhe 6 persona të tjerë, për të cilët është prerë gjithashtu fletëarresti.
Të prangosurit dyshohet se kanë lejuar ndërtimet pa leje në qytet, raporton Dosja.al. Gjatë tërmetit të 26 nëntorit, shumë ndërtesa pa leje dhe abuzime të bëra në ndërtimin e objekteve kanë marrë jetë njerëzish duke e çuar më 51 numrin e viktimave.
Deri më tani ende nuk dihen emrat e policëve të arrestuar. Informacione të mëtejshme do të jepen në vijim.
