Pas deklaratave të udhëheqësit Suprem të Iranit Khamenei, i cili foli për qëndrimin e Shqipërisë krah SHBA-ve në sulmet e nisura pas vrasjes së gjeneralit Iranian Soleimani, ka ardhur dhe reagimi i parë i kryeministrit Edi Rama.
I pranishëm nër tryezën ku prezantoi programin dhe përparësitë e Shqipërisë në Këshillin e Përhershëm të OSBE, me rastin e marrjes së kryesisë nga vendi ynë, Rama u shpreh:
“Duke qenë se shumë prej sfidave e mundësive vijnë prej përtej rajonit të OSBE na duhet të përforcojmë platformat e dialogut me partnerët aziatikë e mesdhetarë për bashkëpunim.
Situata aktuale në brigjet Jugore është një shembull se sa ngushtë e ndërlidhur është siguria jonë e përbashkët.
E meqë ra fjala po flas në emër të një vendi që dje u përcaktua si një vend djallëzor në mes të Evropës nga autoriteti i lartë i regjimit totalitar të Teheranit.
Programet tona të hartuara pas bisedimeve në kryeqytet e Vjenë do mbeteshin vetëm në letër pa përbërësin me të rëndësishëm , ekipin kryesyes të Shqiperise në Tiranë e këtu në Vjenë.
Kemi angazhuar diplomatë e profesionistë, një ekip të talentuar e shumëkombësh ndërtuar edhe falë mbështetjes të shumë vendeve partnere që i falenderoj nga zemra.
Detyra e tyre e vështirë do jetë të arrijnë konsensues duke punuar krahë për krahë me ekipin e sekretaritatit dhe institucioneve autonome”.
Kujtojmë se ditën e djeshme udhëheqësi Suprem i Iranit Ali Khamenei përmendi një “vend të vogël djallëzor në mes të Europës që ka bërë komplot me SHBA kundër Iranit.
