LIGJET E BIZNESIT
Ngjarja e djeshme në Mallakastër ka tronditur mbarë vendin, ku 3 të rinj kanë grabitur, dhunuar dhe më pas kanë mbytur një 50-vjeçare, e identifikuar si Drita Saliaj.
Policia bëri të mundur arrestimin e të rinjëve, të cilët e kanë pranuar vrasjen dhe masakrimin e 50-vjeçares në fshatin Gjerbë të Mallakastrës.
Pas arrestimit, tre të rinjtë fillimisht kanë hezituar të flasin por më pas janë ‘hapur’ duke treguar si kishte ndodhur ngjarja makabre. Nipi i burrit të viktimës, 16-vjeçari Luis Saliaj nuk e ka përballuar dot situatën dhe ka nisur që të qajë teksa merrej në pyetje nga efektivët. Mësohet se ai është shprehur para hetuesve se e ka frikë burgun.
“Ne donim vetëm të merrnim paratë se na duheshin por ajo më njohu dhe filloi të bërtiste. Ne u trembën se mund të na gjente Policia brenda duke vjedhur. Se kishim menduar që do të vrisnin. Na doli jashtë kontrollit situata. Ju lutem, më falni se e kam frikë burgun”, mësohet se ka rrëfyer 16-vjeçari.
Vrasjen e gruas e kanë pranuar edhe dy shokët e tij, të cilët kanë zbuluar se ishte nipi i gruas ai që kishte informacione se ajo kishte para në shtëpi dhe se i kishte informuar në momentin kur shtëpia ishte pa njeri. Ata gjithashtu treguan se rezistenca e gruas, ‘i detyroi’ që ta lidhnin dhe më pas ta hidhnin në rezervuar.
Mësohet se gjendja psikologjike e tre të rinjvë është mjaft e rëndë, duke veçuar nipin e viktimës, i cili nga momenti kur është shoqëruar në Polici ka qenë duke qarë.
