Tentoi të djegë shtëpinë dhe rrahu ish-gruan, policia arreston babain e dhunshëm në sy të fëmijëve

Ditën e sotme policia ka vënë në pranga në sy të fëmijëve të mitur shtetasin me iniciale G.M 46-vjeç.

Ngjarja ka ndodhur në Lushnje, ku i akuzuari pasi ka ushtruar dhunë fizike dhe psikologjike mbi ish-bashkëshorten e tij, shtetasen me iniciale M.M  45 vjeç, dhe më pas ka tentuar të  djegë banesën.

Gjithashtu në Fier, është ndaluar një një tjetër shtetas i shpallur në kërkim: F. M., 36 vjeç, pasi ka ushtruar dhunë ndaj nënës së tij.

NJOFTIMI ZYRTAR I POLICISE

Fier-Lushnje

Policia ndalon një shtetas të shpallur në kërkim për “Dhunë në familje” dhe arreston një tjetër për “Dhunë në familje”, “Veprime në kundërshtim me vendimin e Gjykatës” dhe “Shkatërrimi i pronës me zjarr e mbetur në tentativë”.

*Specialistët për Hetimin e Krimeve në Komisariatin e Policisë Fier, ndaluan shtetasin e shpallur në kërkim: F. M., 36 vjeç, banues në Fier. Ky shtetas ishte shpallur në kërkim për veprën penale “Dhunë në familje” pasi ka ushtruar dhunë ndaj nënës së tij. *Specialistët për Hetimin e Krimeve në Komisariatin e Policisë Lushnje arrestuan shtetasin: G. M., 46 vjeç, banues në Karbunarë, Lushnje.

Arrestim i këtij shtetasi u bë pasi në prezencë të fëmijëve të mitur, ka ushtruar dhunë fizike e psikologjike dhe ka tentuar të djegë banesën e ish bashkëshortes së tij, shtetases M. M, 45 vjeçe, e cila ka qenë e pajisur me urdhër mbrojtje nga Gjykata. Materialet i kaluan Prokurorisë pranë Gjykatës së Shkallës së Parë Lushnje për veprat penale “Dhunë në familje”, “Veprime në kundërshtim me vendimin e Gjykatës” dhe “Shkatërrimi i pronës me zjarr e mbetur në tentativë”.