Sekuestrohen 71 mijë euro dhe bllokohet makina luksoze, ja kujt i përkasin

Ditën e sotme policia kufitare ka bllokuar rreth 71 mijë euro në Kakavijë.

Shuma është gjetur brenda një automjeti pasi drejtuesi po tentonte që ti transferonte ato në mënyre ilegale drejt shktetit grek.

Policia bën me dije se gjatë kontrollit të automjetit të shtetasi me iniciale V. G., 49 vjeç, lindur në Sarandë dhe banues në Greqi, u gjet një sasi prej 70900 eurosh, të cilat i kishte fshehur në automjet, me qëllim shmangien e kontrollit.

Gjithashtu gjatë kontrolleve në pikën kufitare u bllokua dhe automjeti i markës Renault, me drejtues shtetasin shqiptar E. X., 21 vjeç, lindur në Berat dhe banues në Greqi. Mjeti i këtij shtetasi rezultoi me ndërhyrje mekanike në numrin e shasisë.

Të dy shtetasit u proceduan penalisht.

Veprimet e para hetimore për këto raste u kryen nga DVP Gjirokastër, për veprat penale “Trafikim i mjeteve motorike” dhe “Mosdeklarim i të hollave dhe sendeve me vlerë në kufi” dhe materialet në ngarkim të dy shtetasve i kaluan prokurorisë, për veprime të mëtejshme.