Përgjimet e Zogut të Tiranës vazhdojnë të kalohen me humor nga moderatorja Dajana Shabani. Kjo e fundit me ironi përmes një statusi është shprehur se shet vota teksa një ndjekës e pyet se me çfarë merret.
“Është sport i vështirë, s’ka parë kush hajër. A mund ta di me se merresh se je shumë e famshme,”- pyet ndjekësi.
“Me asgjë, shes vota. Edhe vetë qesha kur ktheva përgjigje,”- shkruan Dajana, përgjigje që shihet e publikuara edhe nga vetë moderatorja në Instastory.
Pak ditë më parë gazetari Elton Qyno, publikoi disa përgjime nga dósja e Hermes Nikajt, i njohur si “Zógu i Tiranës”. Në përgjime dilte dhe emri i Dajana Shabanit, e cila ditën e zgjedhjeve kishte telefonuar Nikajn dhe i kërkonte që të shkonte të votonte, pasi ia kishin kërkuar dhe i duhej me patjetër. Ndërkohë moderatorja foli dhe e hodhi poshtë këtë gjë duke u shprehur se sipas saj ishte një bisedë mes miqsh në emision.
