Një zjarr ka rënë në zyrat e minibashkisë nr.9 pranë qendrës në Tiranë.
Banorët janë alarmuar ndërkohë që kanë parë shtëllungat e tymit që dilnin nga dritarja.
Godinat ndodhen në afërsi të godinës së ish-Zërit të Popullit.
Nga zjarri mësohet se nuk ka të lënduar por vetëm materiale.
Paraprakisht dyshohet se shkak për shpërthimin e flakëve është bërë një shkëndijë elektrike.
Ndërkohë në vendngjarje kanë mbërritur punonjësit e policisë dhe 3 automjete të zjarrëfikëses.
Punonjësit janë evakuuar nga zyrat, dhe është hasur vështirësi për zbritjen e tyre nga shkallët, madje mësohet se shumë prej tyre kanë qenë dhe të nxirë në fytyrë për shkak të tymit të krijuar nga flakët.
