Një ngjarje e rëndë është regjistruar në Sarandë sot në mesditë.
Mësohet se një 55-vjeçar i identifikuar si Bastri Rroshi, banues në Sarandë është hedhur në ujërat e lumit Bistricë pranë kanalit të Çukës.
Kalimtarët përreth, të tronditur nga skena që kanë parë kanë njoftuar menjëherë policinë, e cila ka mbërritur në vendngjarje.
Por mesa duket përpjekjet kanë rezultuar të kota, pasi viktima ndërroi jetë.
Familjarët e të ndjerit janë shprehur se ai nuk kishte probleme ekonomike apo shqetësime të tjera.
Polumbarët ndërkohë pritet të mbërrijnë në vendgjarje për të nxjerrë trupin e pajetë të 55-vjeçarit nga ujërat e lumit.
