Pas vrasjes së biznesmenit Kastriot Reçi përpara pak minutash në një lokal në Rrëshen, pronar i televizionit “Media Plus”, ka dalë dhe informacioni zyrtar i policisë
Sipas informacioneve paraprake autorët kanë qenë të maskuar dhe janë larguar në drejtim të paditur menjëherë pas krimit të rëndë.
Ndërkohë policia po punon për kapjen dhe identifikimin e autorëve.
NJOFTIMI ZYRTAR I POLICISE
Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç.
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.
Por kush ishte Kastriot Reçi?
Emri i tij nuk ishte i panjohur për policinë.
Ai ka qenë i shpallur në kërkim në vitin 2016 nga uniformat blu për shkak të gjetjes së një sasie të madhe hashashi në magazinat në Rrëshen që ishin në emër të tij.
Asokohe, Kastriot Reci pretendoi se nuk kishte lidhje me drogën e gjetur.
Vellai i Kastriot Reçit dorëzoi në prokurori një kontratë qiraje për një shtetas nga gjirokastra. Ishin 3 tonë hashash i tharë që u gjet në atë magazinë, ndërkohë që policia arriti të kapë në magazinë vetëm punëtorët dhe një shtetas nga Lazarati që kujdesej për krasitjen dhe paketimin e hashashit. Mësohet se Reçit, dy vite më parë i kanë vrarë edhe të vëllanë, Gasper Reçi, i ekzekutuar në Romë-Itali.
Në prill 2017, një shqiptar u ekzekutua në Romë me katër plumba. Ai u evidentua si Gaspër Reçi, 43 vjec nga Rrësheni dhe u ekzekutua në mbrëmjen e 27 prillit 2017 në orën 23.30 në banesën e tij në rrugën Simeri Crichi, në Tor Bergata.
Nga hetimet e policisë italiane nuk u arrit të identifikohej asnjë person I dyshuar për atentatin, pasi në momentin e vrasjes nuk ka pasur persona në vendngjarje.
Në banesë ka qenë vetëm vajza e Gasperit. Edhe pse ambulance ka mbërritur menjëherë ai nuk u ka rezistuar plagëve.
Hetuesit italianë bënë të ditur se Gasper Reçi kishte precedent penale të mëparshëm për posedim dhe shpërndarje lëndësh narkotike. gasper Reçi, la pas bashkëshorten dhe dy fëmijët.
