LIGJET E BIZNESIT
Një debat me tone të larta është zhvilluar mbrëmjen e djeshme mes ish-ministrit të jashtëm Tritan Shehu dhe historianit Olsi Jazexhi.
Teksa ishte duke u diskutuar tema për vrasjen e liderit Iranian të forcave elitë Quds , Qassem Soleimani, mes Jazexhiut dhe Shehut ka nisur një përplasje e ashpër.
Në momentin që Shehu u shpreh se misioni ynë si vend është të ndjekim SHBA-në , aty ndërhyri Jazexhiu i cili e pyeti: Ju na flisni për demokraci, por a nuk doni demokraci në Lindjen e Mesme?
“Eni, qetësoje atë djalin aty”, iu përgjigj Shehu.
“Po përgjigju pyetjes”, shtoi Jazexhiu.
“Unë nuk kam ndërmend t’i përgjigjem provokacioneve”, vijoi Tritan Shehu.
“Është Trumpi me disa psikopatë aty, Kongresi Amerikan është kundër. Është Evropa ajo që paguan për luftërat që po hap Amerika. Është Evropa ajo që po merr sirianët”, iu kundërpërgjigj Jazexhiu.
Por përplasja nuk u mbyll këtu, dhe vijoi më tej në momentin tjetër kur u hap tema e mbërritjes së muxhahedinëve në Shqipëri, që njihen ndryshe dhe si opozita iraniane.
“Unë nuk mendoj se marrja e muxhahedinëve ka problem për Shqipërinë. Ata nuk i kanë sjellë asnjë problem Shqipërisë, përkundrazi siç e shikuat nga materiali ka pasur tentativa për akte terroriste ndaj tyre. I pari ishte Berisha që në bashkëpunim me SHBA-në e shqyrtuan si të vlefshme ardhjen e tyre në Shqipëri”, u shpreh Shehu.
“Ju jeni servil, keni sjellë këtu mbeturina, keni sjellë terrorista”, ndërhyri Jazexhiu.
“Të lutem Jazexhiu, mos fyej. Nuk mund t’i quash terrorista kur nuk keni prova. Ju kam ftuar këtu të jepni mendimin tuaj dhe jo të fyeni. Ky është një emision demokratik”, i tha Eni Vasili, Jazexhiut.
“Na keni lënë pa hyrë në BE me marrjen e muxhahedinëve”, iu drejtua Jazexhiu sërish ish ministrit të jashtëm Tritan Shehu.
