Aksidentohen dy minatorë në Bulqizë/ dërgohen me urgjencë në spital (EMRAT)

Një aksident ka ndodhur mbrëmjen e sotme në Minierën e Kromit në Bulqizë ku dy minatorë janë plagosur rëndë.

Burimet bëjnë të ditur se aksidenti ka ndodhur sërish në nivelin e 18-të të Minierës së Kromit të Bulqizës ku si pasojë kanë mbetur të plagosur rëndë dy minatorët Altin Kola dhe Mentor Gjeta.

Njoftimi i policisë:

Rreth orës 20.50, shërbimet e Komisariatit të Policisë Bulqizë, kanë marrë informacion se në minierën e kromit në qytetin e Bulqizës, janë  aksidentuar gjatë punës  shtetasit M.Gj, dhe A.K,  të dy banues në Bulqizë.

Të dëmtuarit po marrin ndihmë mjekësore në spital dhe aktualisht ndodhen jashtë rrezikut për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje.