Pas vrasjes së gjeneral Sulejmanit, Irani ofron shpërblim 80 milionë dollarë për ‘kokën’ e Donald Trump

Një lajm shumë i fortë vjen nga Irani, ku është vendosur një shpërblim prej plot 80 milionë dollarësh për ata që arrijnë të vrasin presidentin e SHBA, Donald Trump.

Tensionet tashmë kanë kapur majat pas vrasjes së gjeneralit Iranian të forcave elitë QUDS Qassem Soleimani, dhe mediat botërore bëjnë me dije se rreziku pranë një lufte të tretë botërore është rritur ndjeshëm.

Tre ditë pas sulmit ajror me raketë të SHBA në kryeqytetin e Irakut Bagdad ku u vra një nga figurat më të rëndësishme, Irani ka vënë në dispozicion shpërblimin e majmë prej 80 milion dollarësh për ‘kokën’ e Donald Trump, i cili ishte ai që dha vendimin për të ekzekutuar numrin një të forcave elitare QUDS, Qassem Soleiman.