Presidenti i Shteteve të Bashkuara të Amerikës, Donald Trump i ka dërguar një letër presidentit të Serbisë, Aleksandar Vuçiç, nëpërmjet së cilës i kërkon të arrihet një marrëveshje me Kosovën që do të rezultonte me njohjen e ndërsjellë. Kanë qenë mediat serbe në Beograd që bëjnë të ditur lajmin. Letra e presidentit amerikan është dërguar me rastin e Ditës së Republikës së Serbisë.
Përveç urimeve, në këtë letër Trump thekson se një marrëveshje historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike.
LETRA E PRESIDENTIT TRUMP PËR PRESIDENTIN SERB VUÇIÇ
I nderuar zotëri president,
Në emër të popullit amerikan, kam kënaqësinë t’iu dërgojëurimet më të sinqerta me rastin e Ditës së Republikës së Serbisë.
Këtë vit, në festimin e 100-vjetorit të valimit të flamurit serb në Shtëpinë e Bardhë, duhet të nisemi nga ajo që të sigurojmë që shekulli i ardhshëm i partneritet tonë të jetë i ngjashëm me atë të kaluarin sa i përket përkushtimit për paqe, prosperitet dhe liri.
Shtetet e Bashkuara të Amerikës mbeten të palëkundura në mbështetjen e përkushtimit tuaj sa i përket thellimit të bashkëpunimit rajonal, në veçanti në angazhimin tuaj për normalizimin e raporteve me Kosovën.
Derisa ju mbetet palëve të arrijnë marrëveshje që të dyja mund ta mbështesin, konsiderojmë se njohja e ndërsjellë do të duhej të ishte elementi qendror i normalizimit të raporteve.
Një marrëveshje e tillë historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike.
