Është sulmuar dhe dëmtuar për herë të dytë makina e analistit të njohur Fatos Lubonja.
Akti i rëndë është kryer nga persona ende të paidentifikuar.
Mësohet se ngjarja ka ndodhur gjatë ditëve të ndërrimit të viteve, ndërkohë që makina e analistit ka qenë e parkuar në zonën e qendrës pranë banesës së tij në Tiranë.
Autmjeti është goditur me mjete të forta, duke e dëmtuar rëndë.
Policia konfirmon se në datë 2 janar 2020, analisti ka bërë një kallëzim penal për këtë ngjarje të rëndë.
Gjithashtu Lubonja e ka konfirmuar lajmin edhe për mediat, duke thënë se pret që të zbardhet nga autoritetet.
Kujtojmë se kjo nuk është hera e parë që Lubonjës i ndodh një gjë e tillë.
Edhe me datën 1 korrik 2019, makina e tij ra pre e një sulmi me gurë.
Personi, i cili ra në pranga asokohe dhe u dënua me burg, ka shprehur urrejtje për deklaratat publike të Fatos Lubonjës për tema të ndryshme, kryesisht politike.
