Basha nga Kuvendi: Shteti ka rënë, ky është morti i dytë

Është shoqëruar me tensione seanca e sotme e Kuvendit të Shqipërisë. Seanca është ndërprerë për shkak të incidentit midis Palokës dhe Kryeministrit Rama.

Pak pra pezullimit të seancës ka marrë fjalën lideri i Partisë Demokratike, Lulzim Basha,i cili ka përshëndetur kreun e Parlamentit të Shkupit Talat Xhaferi tha se “mesazhi i shpresës së këtij votimi, ndodh në kontekstin e një morti”.

Pasi lideri i demokratëve nënvizoi se rezultati historik për fqinjët e Maqedonisë së Veriut erdhi si rezultat i “qëndrimit të përbashkët të faktorit shqiptar”, Basha iu rikthye situatës në vend duke deklaruar që “kush jemi ne që të merremi me hallet e Maqedonisë, këtu ka rënë shteti dhe ky është morti i dytë”.

Basha vijoi duke radhitur akuzat për korrupsion ndaj Qeverisë, faktin që sipas tij “Shqipëria nuk do të marrë hapjen e negociatave”.

Gjatë fjalës së tij në Kuvend, Basha shprehu ngushëllime për aksidentin tragjik në Maqedoni.