EMRAT/ Ndryshime në PS, kush janë dy të besuarit e Ramës që do të drejtojnë Tiranën

Do të marrin në dorë frenat, këta janë dy të besuarit e PS që do të drejtojnë Tiranën

Janë zgjedhur edhe dy emrat që do të drejtojnë degën e Partisë Socialiste në Tiranë.

Bëhet fjalë për Elisa Spiropalin dhe Ervin Bushatin.

Ky vendim është marrë në mbledhjen e sotme të Kryesisë së PS.

Aty u caktua dhe data 29 shkurt si ditë kur do të mblidhet Kongresi i Partisë, ku do të votohet për Asamblenë e Re Kombëtare.

Deputeti i PS Ervin Bushati dhe ministrja e Shtetit për Marrëdhëniet me Parlamentin Elisa Spiropali, do të bashkëdrejtojnë strukturat e degës më të madhe të kësaj partie.

Më parë këtë funksion e mbante Saimir Tahiri, vendin e të cilit pas përjashtimit e zuri Blerina Gjylameti.