Sipas një videoje të publikuar duket momenti kur ministri në detyrë i Tregtisë dhe Industrisë, Endrit Shala ka goditur me shpullë gazetarin e portalit Indeksonline.
Të martën në mbrëmje një gazetar raportoi në polici se ishte sulmuar nga Ministri në detyrë i Tregtisë dhe Industrisë, Endrit Shala.
Gazetari i portalit “IndeksOnline”, Ensar Ramadani kishte rrëfyer se teksa ishte duke përcjellë një rast të plagosjes në QKUK, ishte sulmuar fizikisht nga ana e ministrit në detyrë, Shala pasi gazetari e kishte fotografuar.
Ministri Shala kishte thënë se nuk bëhej fjalë për sulm, por sipas tij kishte qenë konflikt verbal.
Kallxo.com ka publikuar video të momentit kur ndodhi sulmi. Me rastin ndërkaq janë duke u marrë organet e rendit.
