Mbrëmjen e djeshme ka patur një debat të fortë mes gazetares Klodiana Lala dhe ish-deputeti demokrat Ervin Salianji.
Të ftuar në studion e programit “Real Story”, ata kanë folur mbi pretencën e Prokurorisë në lidhje me dosjen “Babale”.
Lala i kërkoi Salianjit të sqaronte dëshminë e Fredi Alizotit, i cili kishte thënë në një prej seancave të gjyqit se ish-deputeti i Partisë Demokratike i kishte premtuar 200 mijë euro.
Nga ana tjetër Salianji është përgjigjur se nëse ka patur një komunikim të vetëm mes të dyve apo një takim, ai ishte gati të largohej nga ajo çështje.
Në momentin që gazetarja ka vijuar ta pyesë nëse vetë ish-deputeti ka qenë pjesë e kësaj historie, ai nuk është përgjigjur por ka vijuar të lexojë përgjimet e Prokurorisë mbi dosjen “babale.”
DEBATI
Lala: I kishe premtuar 200 mijë euro pra. Sqaroje këtë histori.
Salianji: Nëse ka një komunikim të vetëm me mua, një takim të vetëm, unë iki nga kjo punë. Po s’ka fare, se këtu është kjo çmenduri. Deklarimin që ka bërë ish-drejtori i Policisë Lushnje dhe drejtori thonë që ne nuk e njohim këtë person.
Lala: E kemi sqaruar këtë, por çështja është jeni apo jo ju pjesë e kësaj historie?
Salianji: Drejtori i Policisë Lushnje thotë se e ka takuar vetëm një herë këtë person më 1 qershor. Përgjimi telefonik tregon se janë takuar gati 30 herë.
Lala: Aty ka shpërdorim të hapur detyre. Na jep argumente që je jashtë kësaj historie.
