LIGJET E BIZNESIT
Pas dhënies së pretencës nga Prokuroria, për ish-deputetin Ervin Salianji, për çështjen “Banale”, ka reaguar menjëherë kryetari i Partisë Demokratike, Lulzim Basha.
Prokuroria kërkoi 1 vit e 6 muaj pezullim nga funksionet politike dhe 3 vite shërbim prove.
Basha shkruan se Rama ka përdorur dy prokurorë të korruptuar, Kolë Hysenaj dhe Genci Qana, që zbatuan sipas tij skenarin e dështuar për t’i mbyllur gojën opozitës.
“30 vjet pas rrëzimit të diktaturës, Edi Rama rikthen në Shqipëri gjyqet politike kundër opozitës. Për të dënuar Ervin Salianjin, që denoncoi me fakte, përfshirjen e vëllait të Ministrit të Brendshëm në trafik droge, Edi Rama përdori dy prokurorë të korruptuar, Kolë Hysenaj dhe Genci Qana, që zbatuan sot skenarin e dështuar për t’i mbyllur gojën opozitës. Pretenca e dy prokurorëve të korruptuar është paracaktuar nga Edi Rama që të nesërmen e publikimit të skandalit.
Askush, nuk do të arrijë kurrë t’i mbyllin gojën as Ervin Salianjit dhe asnjë përfaqësuesi politik të Partisë Demokratike. Beteja jonë me krimin e organizuar, dhe denoncimi i lidhjeve të krimit të organizuar me Qeverinë e Edi Ramës dhe shërbëtorëve të tij në drejtësi, nuk ka për tu ndalur.”- shkruan Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
