EMRI/ Kandidati i parë për kreun e SPAK, ky është prokurori që synon të hetojë ‘peshqit e mëdhenj’

Edhe pak orë na ndajnë nga mbyllja e afateve për kandidimin e prokurorëvë për kreun e SPAK.

Ndërkohë është zbuluar dhe emri i parë që ka hedhur kandidaturën për këtë pozicion.

Ai është Arben Kraja dhe e ka kaluar me sukses provën e Vettingut dhjetorin e kaluar.

Burime nga KLP bëjnë me dije se kërkesa e Krajës është shoqëruar me vizionin për ndërtimin e Prokurorise së Posaçme si institucion funksional dhe efektiv.

Të dhënat e analizuara nga BIRN tregojnë se prokurori Arben Kraja zotëronte pasuri me vlerë 3 milionë lekë në vitin 2003 – kur deklaroi për herë të parë pasurinë. Ndërsa në fund të vitit 2017, pasuria familjare e prokurorit Kraja ishte 27.4 milionë lekë. Kraja ka regjistruar një rritje 9.2 herë të pasurisë bruto familjares nga viti 2003 deri në vitin 2017 – me një rritje mesatare vjetore prej 1.74 milionë lekë.