LIGJET E BIZNESIT
Autoritetet italiane në brigjet e Brindizit kanë sekuestruar një gomone me 334 kilogram drogë.
Si pasojë e operacionit është arrestuar një shqiptar, identiteti i të cilit ende nuk bëhet i ditur.
Pas kontrollit në bordin e gomones u gjetën 186 pako të mbështjella me peshë totale 310 kg mariuanë dhe 24 kg hashash.
Nëse kjo lëndë narkotike do të hidhej në treg, vlera e saj do të shkonte rreth 4 milionë euro.
Ishte lloji i mjetit lundrues dhe deklaratat e paqarta të trafikantit shqiptar që e shtynë policinë të bënte inspektime më të detajuara.
Mediat italiane bëjnë me dije se u konfiskua gomonja 5 metra e gjate që përdorej për trafik droge, dhe në pranga ra kontrabandisti me kombësi shqiptare.
