Rama kritikon sërish Veliajn, pas lyerjes së pallatit i jep detyrën tjetër: Nesër ma nisni me foto

Kryeministri Edi Rama ka qenë sot në shkollën “Ismail Qemali”, e cila kishte pësuar disa dëmtime nga tërmeti. Gjatë vizitës Rama ishte i shoqëruar nga Erion Veliaj dhe as në këtë rast nuk kanë munguar kritikat për të.

Së bashku ata shkuan dhe në fushat e basketbollit, por Rama aty ka parë që tek koshat e basketbollit mungonin rrjetat. Kryeministri i ka kërkuar Veliajt dhe drejtorëshës që nëse të vendosej rrjeta dhe t’ia nisnin me foto.

Biseda

Rama: Pse nuk ka rrjet, pse e kemi lënë pa rrjet? Do i vësh rrjetën  koshit?

Drejtoresha: Vetëm vajzat me rrjet.

Rama: Po pse vetëm vajzat me rrjet?

Drejtoresha: Sepse gruaja është çik më… ju basketbollistët jeni pak më…

Veliaj: O çuna hajde të bëjmë një përshëndetje në një basketbollist.

Rama i drejtohet Veliajt: Ore vendosi rrjetën.

Veliaj: Fillove tani? (Qeshin të dy)

Rama: Rrjetën koshit. Kush merret me këtë punë? Kush merret me këtë punë?

Veliaj u drejtohet nxënësve: Do takoheni me një basketbollist të famshëm.

Rama- nxënësve: Ore si pranoni të luani basketboll pa rrjetë.

Drejtoresha: Do e rikuperojmë që sot

Rama: Rrjetën sot! Ore nesër në mëngjes më çoni foton që është vendosur rrjeta.