Ditën e sotme janë vendosur tre kuzhina të lëvizshme në Manzë të Durrësit, ku ndodhen të strehuar në çadra qindra banorë të prekur nga tërmeti 6.4 ballë që goditi Shqipërinë mëngjesin e 26 nëntorit.
Ambasada e Greqisë në Shqipëri ka nxjerrë disa foto në të cilat duken punonjësit e Forcave të Armatosura greke, ku po gatuajnë për banorët e prekur nga tërmeti.
Nga pamjet dallohet qartë mishi dhe ushqimet e tjera të vendosura nëpër pjata që po përgatiten nga ushtarët greke.
Aty ka qenë e pranishme dhe ambasadorja greke në Shqipëri, Sophia Filippidou.
Ushtarët greke kanë qëndruar për disa momente me banorët e Manzës duke realizuar edhe disa foto të tjera kryesisht me fëmijë dhe të moshuar.
