Pas 5 orësh në greminë, shpëtohet me helikopter efektivi i RENEA-s

Pasi kanë kaluar më shumë se 5  orë nga ngjarja e rëndë, efektivi i RENEA-s Bledar Beluli ka arritur të nxirret nga gremina ku kishte rënë nga 200 metra lartësi.

Operacioni për shpëtimin e tij u realizua përmes ndërhyrjes nga ajri me helikopter.

Ai qëndroi në pritje që prej orës 08.00 të mëngjesit, kur u gjet nga banorët.

Tashmë do të pritet helikopteri në mënyrë që të transportohet për në Tiranë, pasi janë konstatuar dëmtime në duar dhe këmbë.

Kujtojmë se në orët e para të mëngjesit të sotëm, efektivi Bledar Beluli kishte dalë për një shëtitje në malin e Zorgjit në Dukagjin të Shkodrës, por për shkak të terrenit   të thyer ai ka rënë në greminë, dhe nxjerrja e tij ishte e vështirë për shkak të zonës së thepisur.