Padia e Fullanit në Strasburg, Malaj bën paralajmërimin e fortë: Vendime të tilla do i kushtojnë shqiptarëve qindra miliona euro

Pas lajmit se ish-guvernatori Ardian Fullani ka paditur Këshillin Mbikëqyrës së Bankës së Shqipërisë si dhe Parlamentin për shkarkim të padrejtë nga detyra, ka ardhur dhe reagimi i ish-ministrit të Financave Arben Malaj.

Me anë të një postimi në rrjetet sociale, Malaj shkruan se këto vendime jo në përputhje me ligjin dhe raste të tilla do iu kushtojnë taksapaguesve shqiptarë qindra miliona dollarë,euro apo lekë.

Ai shton se deputetët duhet të votojnë me përgjegjësi ndaj taksapaguesve dhe jo me besnikëri partiake dhe përulje udhëheq-dashëse ndaj kryetarëve të partive apo qeverive.

‘Ka shume raste kur vendimet jo ne perputhje me hapat ligjore per kompani apo individe do tju kushtojne taksapaguesve shqiptare qindra milion dollare, euro apo miliarde leke. Deputetet duhet te votojme me pergjegjesine ndaj taksapaguesve jo me besnikeri partiake dhe perulje udheheq-dashese ndaj kryetareve te partive apo qeverive. Dite te mbare Arbeni’, paralajmëron Arben Malaj.