LIGJET E BIZNESIT
Policia e Durrësit, po punon për të parandaluar çdo rast abuziv duke përfituar si pasojë e situatës së krijuar nga tërmeti i rënë më datë 26 nëntor. Ajo ka shtuar prezencën policore me uniformë dhe civile në të gjitha zonat e prekura nga tërmeti. Kështu është bërë i mundur arrestimi i një 49-vjeçari i cili kishte përfituar para me anë mashtrimit.
Njoftimi:
Si rezultat i investigimit në pikat e grumbullimit të ndihmave, në tregjet ushqimore dhe në territor, Specialistët për Hetimin e Krimit Ekonomik e Financiar në Drejtorinë Vendore të Policisë Durrës arrestuan në flagrancë shtetasin:
Arben Musliaj, 49 vjeç, banues në Tiranë.
Arrestimi i tij u bë pasi ky shtetas duke shfrytëzuar situatën e ndodhur pas termetit, në lagjen nr 14, në ambientet e brendshme të tregut të fruta-perimeve në Shkozet, Durrës, i ka marrë me anë të mashtrimit shumën prej 13.000 lekë (të rinj) shtetasit N. F. , banues në Durrës, me arsyen se i duheshin për të blerë ndihma ushqimore për këtë situatë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shuma e parave u sekuestrua në cilesinë e provës materiale dhe materialet i kaluan Prokurorisë pranë Gjykatës së Shkallës së Parë Durrës për veprime të mëtejshme.
