Shkarkohet drejtoresha e shkollës “Sami Frashëri”, futi nxënësit në provim një ditë pas tërmetit

Pas tërmetit të 26 nëntorit mjaft institucione arsimore dolën jashtë funksionit të tyre, çka do të thotë se ishte e ndaluar kategorikisht përdorimi apo futja e nxënësve në këto institucione. Për këtë arsye dejtoresha e gjimnazit “Sami Frashëri” në Tiranë është shkarkuar sot nga puna. Lajmi raportohet nga abc news që citon burime nga shkolla.

Sipas këtyre burimeve drejtoresha Teuta Dobi, një ditë pas tërmetit të 26 nëntorit, lejoi nxënësit të hynin në shkollë për të zhvilluar një provim në lëndën e gjermanishtes.

Në kohën kur toka ende dridhej nga pasgoditjet e tërmetit 6.4 ballësh, drejtoresha mori guximin të çelë dyert e shkollës, duke rrezikuar jetën e nxënësve. “Sami Frashëri” është një ndër shkollat që ka pësuar dëme të shumta dhe për pasojë është klasifikuar nga inxhinierët “jashtë funksionit”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern