E tallën sepse i kërkoi gruan Ramës, drama e jetës së Kastriotit, vëllai me djalin iu mbytën në pus

Videoja bëri xhiron në rrjet kur ai i kërkoi gruan kryeministrit Edi Rama, por askush nuk e dinte dramën e Kastriot Gjonajt.

Sipas “Newsbomb” gruaja e Kastriotit ishte zhvendosur në një hotel në Golem, për t’u kujdesur për dy fëmijët dhe pa dashur kishte lënë pas Kastriotin.Djali i tyre i vogël është me aftësi ndryshe dhe kishte marrë trajtim në qendrën e zhvillimit ditor në Lezhë.

Kastrioti dukej i traumatizuar dhe tepër i shqetësuar.Ai kishte dëgjuar se një grup personash që u ishin shkatërruar banesat nga tërmeti, ishin zhvendosur në Golem.

Kastrioti nuk ka as para për të shkuar atje ku ndodhet bashkëshortja dhe as të njohur për ta shoqëruar.

I deportuar nga Franca pasi nuk siguroi dot azilin, Kastrioti u kthye në fshatin e tij në Torrovicë të Lezhës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në pusin e shtëpisë, humbën jetën në shtator vëllai dhe nipi i tij, të cilët u gjetën të asfiksuar.

Kastrioti qëndronte në bulevardin “Gjergj Fishta” të Lezhës me shpresën se do të gjente ndonjë punë për të siguruar para për t’u ushqyer.

Mirëpo tërmeti i 26 nëntorit nuk i la kohë askujt të mendohej dhe bashkëshortja e Kastriotit merr fëmijët dhe zhvendoset në Golem.

Ndërsa ishte i shqetësuar për fatin e gruas dhe dy fëmijëve të tij, Kastrioti u detyrua të përballej me përqeshjet e turmës.