Gjatë fjalimit të tij të sotëm nga foltorja e Kuvendit, deputeti i opozitës së re Kujtim Gjuzi ka komentuar tërmetin e fuqishëm 6.4 ballë të 26 nëntorit.
Sipas Gjuzit, ky tërmet ishte artificial dhe zona ku u regjistrua goditja ishte vija bregdetare në Gjirin e Lalzit ishte e mbingarkuar me ndërtime.
Në fund të fjalimit të tij deputeti tha se këtë muaj ai nuk do të marrë rrogën por pagesa do të shkojë për të familjet e viktimave nga tërmeti.
“Ne mbajtëm një minutë heshtje, por unë kam një pyetje, ishte tërmet natyror apo artificial?
Pse është artificial?
Sipas neve që kemi studiuar në universitetin bujqësor në sizmik, bllokimi i vijës bregdetare nga betoni sidomos në Lalz nis kur Meta ishte kryeminister dhe një biznemen që vazhdon të ndërtojë atje.
Një muaj më parë kam dalë në Lalz dhe kam thënë pse vazhdoni të betonizoni këtë zonë, që është kënetore deri në grykëderdhjen e Ishmit? Lumenjte Erzen, Lana dhe të gjithë këto bashkohen në atë që quhet gropa e zezë me të vjetrën.
Unë jam 60 vjec, kryeministri është 55 ndoshta se di mirë por ajo ishte zona ku shkarkojnë të gjitha prurjet e reshjeve në 60 ditë.
Këto prurje të vargmalit sjellin atë që quhet zona e përmbytur Albanopolis, ju që s’keni studiuar mirë, shkoni shifeni çik.
Ne jemi në zonën qendër mbajtëse të minierës së Kasharit, Vallias dhe Manzë, i gjithë ky ka poshtë qymyre dhe këto sjellin atë që quhet llorbë.
E gjitha zona poshtë ka krijuar një digë me 4 m thellësi.
Shkoni drejtohuni sizmiologëve po ku keni kohë ju me studiu, ju e keni mendjen të bëni ndonjë PPP të merrni ndonjë lekë.
Ju vjen për të qesh se s’ju ka vdek njeri në shpi se i keni vilat këtj nga kodrat, ju lutem shumë mos u zgerdhini, boll u zgërdhitë.
Zoti kryeminister unë do ju kërkoja të jeni non stop me qytetarët, në pallatet me tulla silikat që ranë atje e kishit sinjalin, por presidenti paska parashikuar që do vijë tërmeti
i bëj pyetje presidentit të tha dikush? Takove dikë në Athinë?
I tha Ramës bëj gati buxhetin? Po ti e di zoti President si shkojnë llogaritë e qymyreve poshtë kur mbushen me ujë se je ekonomist.
Megjithatë ju garantoj qytetarëve që s’mundet më në këtë pellg tërmete që kapin 6.1 rihter. Qytetarët s’duhet ta lëshojnë më vendin por të gjithë bashkë me kryeministrin ju them propozoj rrogën time në janar në dt 3 do e çoj për viktimat”, u shpreh Kujtim Gjuzi në Kuvend.
