Mëngjesin e sotëm qarkulloi në media një lajm, në të cilin thuhej se një 19-vjeçar nga Roskoveci ka rënë në pranga pasi akuzohet se ka kryer marrëdhënie seksuale me dhunë me motrën e tij 3 vite më të vogël.
Ngjarja e rëndë ka ndodhur dy ditë më parë në fshatin Suk.
Burime nga SYRI TV thonë se ngjarja ka ndodhur në një familje me pesë fëmijë, të cilët janë rezultat i dy martesave të ndryshme.
Autori i ngjarjes së rëndë nuk e ka motër viktimën, pasi ajo ka lindur nga martesa e dytë.
Njerka e ka sjellë atë në shtëpi me vete. Burimet thonë se autori nuk e ka motër as nga nëna dhe as nga babai.
Familja ishte e varfër dhe trajtohej me ndihmë ekonomike. Babai dhe djali njiheshin si përdorues të rregullt të alkoolit.
