Edi Rama kthehet duarbosh nga Londra?! ‘I përfshiva emocionalisht liderët për tërmetin’

Pas tërmetit të 26 Nëntorit, kryeministri Edi Rama mori pjesë në një takim në  Samitin e NATO-s, duke përcjellë nevojat emergjente të te prekurve nga tërmeti.

Ndërsa ai foli për mediat, fatkeqësisht duket se  nuk ka marrë mbështetje konkrete për ndihma në drejtim të Shqipërisë, pas tërmetit të 26 Nëntorit, i cili la pas 51 viktima, qindra të plagosur dhe mijëra persona të pastrehë.

Rama është larguar para kohe nga Saimiti, pasi nesër do të jetë në Tiranë, për mbledhjen e qeverisë në mëngjes, dhe më pas për seancën plenare.

“Për mua ky ishte objektivi kryesor i gjithë këtij samiti dhe u ndjeva i inkurajuar nga fakti që të gjithë ishin jo vetëm në dijeni por edhe të intresuar të dinin më shumë.

Bëra bisedë të gjatë me presidentin e Francës, kancelaren, kryeministrin e Hollandës dhe sërë liderësh të tjerë, kryeministrja e Danimarkës ka qenë jashtëzakonisht e përfshire dhe e interesuar, kryeministri Conte, i Kanadasë, Erdogan, me presidentin Trump kemi folur, qëllimi është të organizojmë një konference të madhe donatorësh. Reagimet e para kanë pozitive por do punojmë intensivisht”, tha Rama për mediat shqiptare në Londër.

Ndërkohë që i pyetur në lidhur me integrimin, Rama tha se vendi do të bëjë të njëjtat Reforma, si ti ishin çelur negociatat.

“Fokusi ka qenë në këtë temë, ka pasur edhe elementë të tjerë në bisedë për ecurinë e procesit të brendshëm në BE, si do shkojë diskutimi mbi dokumentin e paraqitur nga Franca për ndryshim të metodologjisë, por kam qenë i fokusuar tek kjo cështje, por vendi do vazhdojë të bëjë të njëjtat gjëra edhe sikur të ishin hapur negociatat.

Përtej dallimeve e kundërshtive në procesin e negociatave Evropa është e bashkuar në mbështetje të shqiptarëve. Ju kemi vënë në dispozicion dokumente, infiornacioni në Bruksel ka arritur, se kemi parë shumë ndihmë”, deklaroi Rama.

Lidhur me thirrjet e vazhdueshme për dialog në drejtim të Lulzim Bashës, Rama tha se së bashku duhet të ndërtojnë çatinë e shqiptarëve.

“Gjënë më normale në botë, ska asnjë sens që të vazhdoje historia me deklarata në distancë kur ne të gjithë jemi jo vetëm të goditur nga e njëjta tragjedi por nga ana tjetër të gjithë jemi në në nevojë për të ndërtuar catinë e një shtëpie më të madhe se shtëpia e politikës, që është shtëpia e Shqipërisë”, përfundoi Rama.