Digjen 4 makina në Tiranë, tymi asfikson banorët, 3 prej tyre përfundojnë me urgjencë në spital (FOTO)

Pak pas mesnatës, rreth orës 01.00, parkingu i një pallati shumëkatësh në zonën e Yzberishtit është përfshirë nga flakët.

Si pasojë e zjarrit janë djegur 4 automjete të cilat kanë qenë të parkuara brenda.

Ngjarja ka ndodhur në rrugën “Azem Meshi” dhe dyshohet se zjarri ka qenë i qëllimshëm.

Flakët kanë alarmuar edhe banorët e zonës, të cilët të alarmuar kanë menduar se mos po binte sërish tërmet.

Në momentin që kanë parë tymin dhe flakën që vinin nga parkingu,  mësohet se nuk janë ndierë mirë nga ana shëndetësore, dhe 3 prej tyre janë dërguar me urgjencë në spital si pasojë e asfiksimit nga tymi.

Në fotot e siguruara ekskluzivisht nga Fast News Albania mund të shihen edhe mjetet e djegura plotësisht nga flakët.

Grupi hetimor dhe policia vijojnë punën për zbardhjen e plotë të rrethanave dhe shkaqeve të ngjarjes.