Xhulia Aliaj, është vajza 25-vjeçare nga Durrësi, e cila u arrestua me akuzën e përhapjes së panikut pasi bëri disa pastime në faqen e saj në Facebook.
Ndërsa mësohet se ajo i ka dhënë një porosi të veçantë avokatit të saj përpara se të dilte sot në gjyq në orën 12.00.
“Më bjer një palë uratë se Biblën e kam me vete”, ka qenë porosia e vajzës për avokatin Stefan Topalli.
Lajmin e ka bërë të ditur vetë avokati Topalli, i cili mbron Xhulian në këtë proces, me anë të një postimi në faqen e tij personale në Facebook, pak përpara se të zhvillohet dhe seanca për dhënien e masës së sigurisë ndaj 25-vjeçares.
POSTIMI I AVOKATIT STEFAN TOPALLI
Më bjer një palë uratë se Biblën e kam me vete- këto ishin një ndër porositë e Xhulia Aliajs kur vajta ta takoja(dje pasdite) si përfaqësues ligjor.
Seanca e vleftësimit të masës së sigurisë është sot në orën 12.00.
Xhulia është mirë dhe ju falenderon të gjithëve për mbështetjen.
Mbrojtja është gati.
