Ka përfunduar pas 60 minutash mbledhja e Këshillit të Sigurisë Kombëtare që u thirr nga presidenti Ilir Meta.

Të pranishëm ishin kryeministri Edi Rama, kreu i Kuvendit Gramoz Ruçi, ministrat e qeverisë Rama, kryeprokurorja Arta Marku dhe kreu i Policisë së Shtetit, Ardi Veliu.

Mësohet se në mbledhje është diskutuar për mënyrën se si do menaxhohet situata në terren pas tërmetit.

Më pas pritet që të ketë një deklaratë të shkurtër në lidhje me atë që u bisedua.

Ajo që bëhet e ditur është fakti se Rama dhe ministat i kanë raportuar presidentit situatën në terren.

Gjithashtu Rama ka paraqitur dhe idenë e tij për penalitet me pronarët e pallateve, për të cilët ka thënë se do të paguajnë dhe riparojnë të gjitha dëmet e shkaktuara nga tërmeti në pallatet e ndërtuara prej tyre.

Pas mbledhjes i vetmi që nuk ka dalë nga Presidenca është kreu i Kuvendit Gramoz Ruci, pasi po zhvillon një takim me Ilir MEtën.

Kryetari i Partisë Demokratike Lulzim Basha nuk ishte i pranishëm në mbledhje pasi mësohet se nuk ka patur ftesë.

Gjithashtu në mbledhje ka munguar dhe i ngarkuari me pune i kryeministit per menaxhimin e emergjences, ministri Bledi Çuçi.