LIGJET E BIZNESIT
Gjatë mbledhjes së jashtëzakonshme që po zhvillon me qeverinë, kryeministri Edi Rama ka bërë një thirrje për të gjithë ndërtuesit e qarqeve të prekura nga tërmeti të paraqesin me deklaratë gatishmërine e tyre për të riparuar godinat e dëmtuara dhe të dëmshpërblejnë me 100 përqind dëmet që kanë pësuar banorët.
I gjithë ky aksion do të bëhet për godinat që mund t’i nënshtrohen rikonstruktimit.
Përndryshe Rama paralajmëroi se të gjithë ata që nuk e bëjnë këtë do të dënohen me burg.
“Me kërkesë të zotit Ilir Meta jemi duke punuar dhe besoj se do ta konkludojmë shpejt dhe kuadrin e ri ligjor dhe penal për abuzimet në ndërtim, ndërkohë që Njesia Speciale Kundër Korrupsionti ka filluar të përgatisë të gjitha hartën e veprimeve për të identifikuar përgjegjësitë në godinat problematike.
Por dua të bëjë një apel për të gjithë ata që kanë ndërtuar godina kolektive dhe sot hyjnë tek godinat e dëmtuara, por jo të rrezikshme, por “të dëmtuara” – që të paraqiten vetë urgjentisht në zyrën përkatëse të drejtuesit të plotfuqishëm për Emergjencën apo në zyrën e Shtabit të Emergjencës në Durrës dhe të bëjnë Deklaratën e Gatishmërisë për t’i paguar një për një vetë, “vetë” në godinat, të gjitha riparimet: Nga ato sipërfaqësorë deri tek dëmet materiale që i kanë shkaktuar njerëzve; për shkak të tërmetit natyrisht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E bëj këtë apel sepse shumë shpejt do të jetë vonë për ta. Shumë shpejt do të jetë vonë për ta.
Kush dot i shmanget këtij detyrimi do të jetë i akuzuar drejtpërdrejt para organeve të drejtësisë dhe do ta çojmë ne në akuzë dhe do të kërkojmë burgim për papërgjegjshmëri.
Bëhet fjalë- dhe për t’ua thënë këtë njerëzve – për dëmtime që nuk cenojnë qëndrueshmërinë e godinës, por vënë në pamundësi banueshmërinë e saj dhe kanë të bëjnë me abuzim të ardhur gjatë ekzekutimit të lejeve të ndërtimit.
Është e sigurtë që ndërtimet e reja, ato të bëra qysh nga mesi i viteve ’90 e më pak, në 99% të tyre kanë qëndruar më së miri përballë tërmetit. Pjesa tjetër shumë e vogël është abuzim nga individë – jo nga kompani, nga “individë”, që kanë ndërtuar “shto ujë e shto miell” dhe në një përqindje të vogël nga kompani që kanë abuzuar me vete lejen.
Gjithashtu, kam kërkuar dhe një raport që duhet përgatitur me pushtetin vendor për katet e shtuara mbi lejen. Janë një sërë katesh të shtuara mbi leje .”, deklaroi kryeministri.
