LIGJET E BIZNESIT
Menjëherë pas dorëheqjes së kryetares së Bashkisë së Durrësit Valbona Sako, është komanduar kryebashkiaku i ri.
Mësohet se Zhylien Varfi është kryebashkiaku i komanduar i Durrësit që do të zëvendësojë Sakon.
Më herët Varfi ka mbajtur postin e nënkryetarit të kësaj bashkie.
Ky i fundit u votua në unanimitet të plotë pas mbledhjes së sotme të Këshillit Bashkiak që zgjati vetëm 5 minuta.
Kujtojmë se Valbona Sako u kritikua ashpër pas një deklarate që bëri në lidhje me situatën e krijuar nga tërmeti, ku u shpreh se ishte e kënaqur që ishin shënuar 51 viktima.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Për hir të së vërtetës duhet ta themi që ky ishte një tërmet i nivelit shkatërrimtar, por që jemi të kënaqur me 50 viktima, sepse në rastet e tjera kanë qenë mbi 1000 viktima”, deklaroi ajo mbrëmjen e djeshme.
Pasi qindra komente vërshuan mbi të duke ngjallur reagime të shumta, më pas Sako njoftoi vendimin e dorëheqjes me anë të një postimi në rrjetet sociale.
“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falenderoj nga zemra të gjithë ata që më besuan dhe shpresoj në mirëkuptimin e të gjithëve”, shkruajti Valbona Sako.
