Një shpërthim i fuqishëm është dëgjuar natën që sapo kaluam në Tiranë.
Zhurma shkaktoi panik ndër banorët e kryeqytetit.
Ndërkohë policia ka dhënë informacion zyrtar në lidhje me atë që ka ndodhur.
Mësohet se një sasi tritoli ka shpërthyer në afërsi të një lokali në pronësi të P.F në Bulevardin “Zogu i Parë”.
Sipas informacioneve paraprake, nga shpërthimi nuk ka pasur të lënduar por vetëm dëme materiale.
Ende nuk bëhet i ditur identiteti i autorëve por policia ka nisur punën për kapjen e tyre.
Grupi hetimor ndodhet në vendin e ngjarjes për të bërë të mundur zbardhjen e plotë të rrethanave.
NJOFTIMI ZYRTAR I POLICISE
Tiranë
Më datë 01.12.2019, rreth orës 03:40, në Bulevardin Zog i Parë, në afërsi të lokalit me pronësi të shtetasit P.F, ka shpërthyer një sasi e vogël lënde e dyshuar plasëse, ku në momentin e shpërthimit nuk ka pasur pasoja në njerëz por veç dëme materiale.
Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
