Thuajini mirupafshim ditëve të ngrohta! Bien temperaturat, zyrtarisht dimër në Shqipëri

E diela e sotme (1 dhjetor) shënoi dhe hyrjen në stinën  e dimrit.

Kështu që brenda 24 orëve Shqipëria duket sikur ka kaluar në një ndryshim ekstrem të motit.

Zyrtarisht stina e dimrit shënoi dhe rënien e temperaturave në mënyrë ekstreme.

Sipas parashikimit të Shërbimit Meteorologjik Ushtarak, vendi ynë do të ndikohet nga kushte të qëndrueshme atmosferike me motin i cili pritet të jetë i kthjellët në të gjithë territorin përjashtuar vranësirat e pakta kalimtare.

Era do të fryjë me shpejtësi mesatare 3-8m/s me drejtim kryesor nga kuadrati i jugut por përgjatë vijës bregdetare, zonat luginore të vendit si dhe zonat fushore ajo hera herës do të fitojë itensitet deri në 15-20m/s.

Për shkak të masave ajrore të ftohta me origjinë veriore temperaturat e mëngjesit pritet të kenë një rënie të ndjeshme duke prekur vlerat nga 0ºC në relievet malore deri në 6ºC në ato bregdetare. Në vlerat e mesditës temperaturat në zonat malore nuk pritet t’i kalojnë 8ºC ndërsa ato në zonat bregdetare dhe ato të ulta 19ºC.