Një ditë pas deklaratës ku u shpreh se duhet të jemi të kënaqur me 50 viktimat që shkaktoi tërmeti 6.4 ballë i 26 nëntorit, kryetarja e Bashkisë së Durrësit Valbona Sako ka dhënë dorëheqjen nga posti.
“Për hir të vërtetës duhet ta themi që ky ishte një tërmet i nivelit shkatërrimtar, por të jemi të kënaqur dhe me 50 viktima për asye se në raste të tjera kanë qenë mbi 100 viktima”, tha ajo në një prononcim për Top Channel.
Kjo ngjalli reagimin e shumë personave të cilët e konsideruan aspak të përshtatshme këtë deklaratë nga ana e Sakos.
Si rrjedhojë ajo ka njoftuar sot dorëheqjen me anë të një postimi në rrjetet sociale.
“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës.
Falenderoj nga zemra të gjithë ata që më besuan dhe shpresoj në mirëkuptimin e të gjithëve.”, shkruan Sako.
