Gjatë mbledhjes që po zhvillon me qeverinë për gjendjen e jashtëzakonshme në vend, kryeministri Edi Rama nuk i ka kursyer as kritikat për ministrinë e Brendshme.
Ai sulmoi ministrin Sandër Lleshaj në lidhje me dobësinë që tregoi ky institucion në fushën e krimit kibernetik.
“Këto ditë kanë sjellë një ministrinë e Brendshme në fushën e krimit kibernetik. Kapaciteti zero. Një pikë ku duhet mbajtur shënim. Krimi kibernetik është shqetësim shumë i madh dhe këto ditë po e shohim sa e rrezikshme është të jesh i ekspozuar ndaj lajmeve të rreme. Ndaj mashtruesve që arrijnë deri në mashtrime financiare dhe atyre që përhapin lajme të rreme.”, u shpreh Rama.
Kujtojmë se ditët e fundit policia ka arrestuar disa persona për mashtrim apo përhapje lajmesh të rreme.
Janë proceduar penalisht administratorët e portalit “Jeta osh Qejf” , një vajzë tjetër e cila përhapi një lajm jot ë vërtetë në Facebook, si dhe një person tjetër që kërkonte fonde në ndihmë të të prekurve nga tërmeti nën emrin e kryeministrit Rama.
