Dita kundër dhunës ndaj grave/ Meta mesazh të fortë mes figurave të njohura: Aktet burracake të mos tolerohen! (FOTO)

Në kuadër të Ditës Ndërkombëtarë Kundër Dhunës Ndaj Gruas presidenti Ilir Meta ka bërë thirrje për sensibilizimin e shoqërisë shqiptare për emancipimin dhe rritjen e rolit të gruas në shoqëri si dhe dënimin me të gjitha format të dhunës.

Meta shton se dhunimi i grave nuk duhet toleruar dhe e cilëson si një akt burracakërie, pasi shoqëria shqiptare bazohet te familja dhe vlerat e saj i ka të shenjta.

Kreu i shtetit iu bashkua nismës ”Të ngjyrosim botën portokalli” me rastin e Ditës Ndërkombëtare të Dhunës Ndaj Gruas.

MESAZHI I PLOTE I PRESIDENTIT ILIR META

Fenomeni i dhunës ndaj grave dhe vajzave nuk duhet rreshtur kurrë së dënuari. Çdo akt burracak dhune, verbale e fizike ndaj tyre, nuk mund dhe nuk duhet të tolerohet, sidomos nga një shoqëri si e jona, që familjen dhe vlerat e saj i vlerëson të shenjta.
Një shoqëri demokratike dhe sociale, nuk mund të ketë evolucion pa inkurajuar përpjekjet për fuqizimin e rolit të grave, veçanërisht pa përmbushur detyrimet për mbrojtjen e të drejtave të tyre.
Ndaj edhe sot në Ditën Ndërkombëtare për Eliminimin e Dhunës ndaj Grave dhe Vajzave, në mbështetje të fushatës botërore “Ta ngjyrosim botën portokalli”, Institucioni i Presidentit të Republikës do të solidarizohet me këtë nismë jetike për shoqërinë tonë, dhe domosdoshmërinë e dënimit me të gjithë forcën e ligjit të dhunës verbale e fizike ndaj grave dhe