Së fundmi një përplasje në rrjetet sociale mes aktorit të humorit Julian Deda dhe gazetares Mira Kazhani ka ngjallur shumë debate.
Këtë rradhë vetë Juli ka qenë i ftuar në programin “Thumb On” me dy moderatoret Aulona Musta dhe Fatma Haxhialiu.
Meqë sherri i Julian Dedës dhe Mira Kazhanit kishte të bënte me temën e prishjes së shtëpive në zonën e Astirit, Fatma i kërkoi aktorit që t’i kërkonte gazetares falje publike.
Nga ana tjetër Juli u përgjigj e do ta bënte këtë vetëm nëse Mira Kazhani do kërkonte falje te banorët e Astirit.
Jul Deda: Unë këtij personi nuk ia kam përmendur emrin në asnjë status, ajo duke qenë se është një person që gabon shumë e kupton që bëhet fjalë pikërisht për të. Ajo është një batutë, por kur shoh që në të gjithë këtë vorbull, pasi e gjithë grania është lëshuar për të mbrojtur njëra-tjetren, nuk pres që një grua apo femer të dalë të bëjë një shkrim kundër të njëjtës gjini që vuan tek Astiri, që janë rrahur dhe presekutuar. Ti gjejmë një burrë është një batutë që nënkupton se ke nevojë për një paracetamol. Unë nuk u merzita nga komenti i saj, nuk me preku sepse ishte një përgjigje mllefi.
Fatma: Po të jesh burrë, i kërkon falje publike.
Jul Deda: Unë ti kërkoj falje asaj? Po sikur ti kërkoj falje ajo të gjithë grave të Astirit që i bëri ato, atëherë ia kërkoj unë.
Fatma: Pse Mira Kazhani e ka bërë atë që u bë në Astir?
Jul Deda: Pse unë e thashë atë? E ka thënë Churchill-i.
Kujtojmë se sherri nisi pas deklaratës së aktorit për Mira Kazhanin, e cila e konsideroi protestën e banorëve të Astirit si një dështim.
“Kësaj gazetaruces populiste, që protesta e banorëve të Astirit i duket dështim, gjejini një burrë të qetësohet, se gjynah!”, shkruante Juli.
Ndërsa gazetarja nuk ngurroi të replikonte: “I dashur Juli. Është e vërtetë që nuk kam akoma një burrë. Mesa shoh as gruaja jote nuk ka”.
Menjëherë pas kësaj nisi një debat i fortë i cili shkaktoi mjaft polemika edhe ndër komentuesit në rrjetet sociale.
