Aeroportet italiane do të zhvillojnë sot (25 nëntor) një grevë që do të zgjasë katër orë.
Si pasojë janë anuluar disa fluturime nga aeroporti i Rinasit në drejtim të Italisë.
Avioni i Alitalias, që ishte parashikuar të fluturonte në orën 5.30 të mëngjesit të sotëm drejt Romës është anuluar.
Po ashtu dhe drejtimi tjetër nga Roma për në Tiranë.
Gjatë ditës pritet që të anulohen dhe fluturime të tjera drejt Milanos që prekin edhe Air Albania.
Autoriteti i Aviacionit Civil, njofton pasagjerët që fluturojnë drejt Italisë dhe anasjelltas, të konfirmojnë statusin e fluturimit të tyre, për shkak të një greve kombëtare nga disa operatorë të transportit në shtetin fqinj.
Si pasojë e grevës së datës 25 Nëntor, fluturimet nga/për TIA, që preken janë si më poshtë:
“Alitalia” AZ583 TIA-FCO dhe AZ584 FCO-TIA
“Air Albania”
ZB2001 TIA-FCO dhe ZB2002 FCO-TIA
ZB2003 TIA-MXP dhe ZB2004 MDP-TIA
Nga ana e tyre, aeroportet e Romës, Fumicino dhe Ciampino kanë njoftuar se si rrjedhojë e një greve 4 orëshe të njoftuar për në datën 25 nëntor, nga ora 13.00 deri në orën 17.00, fluturimet mund të shënojnë vonesa ose anulime.
