LIGJET E BIZNESIT
Pasditen e djeshme kryetari i Partisë Demokratike Lulzim Basha mbajti një konferencë me gazetarët ku komentoi krizën aktuale politike që po kalon vendi ynë si dhe kaosin e krijuar në Gjykatën Kushtetuese për emërimet e anëtarëve të rinj.
Basha u shpreh se është në krah të presidentit Ilir Meta dhe e mbështet atë në lidhje me mbrojtjen e ligjit dhe të Kushtetuës si dhe shtoi se opozita nuk ka asgjë në dorë që të bëjë gjëra konkrete që ta ndalonte kapjen e sistemit të drejtësisë nga kryeministri Edi Rama.
Por në një moment gjatë fjalës së tij, Basha i ka habitur të gjithë duke thënë se opozita e dinte situatën që do shkonte vendi dhe dhe e ka paralajmëruar, dhe më pas, pasi u mendua gjatë a ta thoshte apo jo, kryedemokrati shtoi se duhet të kishin qenë më ‘kopila’ opozitarët dhe e argumentoi këtë fakt duke shtuar se i vetmi faj që kanë ata është që kanë treguar atë që do të ndodhë përpara kohe.
“Reforma në Drejtësi në fund të fundit do të jetë e suksesshme nëse partitë politike nuk fusin duart. Ne kemi ardhur këtu sepse partitë kanë futur duart prej 30 vitesh. Nuk ka një njeri në planet që të mendoj se PD futi duart në sistemin e drejtësisë. Ndërkohë që Edi Rama, Engjëll Agaçi, Ulsi Manja dhe Fatmir Xhafaj fusin duart kudo dhe ndikojnë në çdo kontekst. SPAK dhe BKH janë ankthi dhe tmerri i këtij grupi të strukturuar, sepse e dinë të gjithë, për të gjitha aferat që i bëjnë bashkë. Për këtë gjë them se vendimet tona kanë qenë të drejta, maksimumi që të na akuzoni është se kemi qenë të parakohshëm, duhet të kishim qenë pak më…. Politik kur i thonë… duhet të kishim qenë me… më falni për shprehjen, por s’po e them se është shumë e rëndë. Mëë… vetëshërbyes. Mëë,,, kopila. Të kishim pritur të kishte ndodhur gjëja dhe pastaj të thonim se ndodhi gjëja”, deklaroi kreu i opozitës Lulzim Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
