Emri/ Plagoset rëndë 21-vjecari nga Poliçani, i plas arma në dorë duke e montuar

Një ngjarje e rëndë ka ndodhur në qytetin e Poliçanit, ku një 21-vjeçar është plagosur rëndë, gjatë montimit të një pushke me saçme, që e kishte improvizuar vetë.

21-vjeçari Aleksandër Shatro, ka qenë duke montuar armën, kur saçmja i ka plasur ndër duar e fytyrë, duke e plagosur rëndë. Ai është transportuar fillimisht në Spitalin Rajonal të Beratit, por për shkak të dëmtimeve të shumta që ka marrë në fytyrë e trup, ai është transportuar drejt Spitalit të Traumës në Tiranë.

Burimet pranë Repartit të Kirurgjisë në Spitalin Rajonal të Beratit konfirmojnë se  i plagosuri kishte pësuar djegie të shumta dhe dëmtime të rënda në fytyrë e kraharor dhe pas dhënies së ndihmës së parë mjekësore, është transportuar drejt Tiranës.

Burimet zyrtare të Policisë së Beratit konfirmojnë se ngjarja ka qenë aksidentale. Sipas policisë, 21-vjeçari e kishte ndërtuar në mënyrë artizanale vetë armën, tip pushkë me saçme dhe gjatë montimit të kësaj pushke pa leje, ajo i ka shpërthyer në dorë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern