Një ngjarje e rëndë ka ndodhur dje në fshatin Mbyet në Fier, ku tre persona mbetën të plagosur.
Burime zyrtare nga policia bënë me dije se 4 persona janë përfshirë në një konflikt pronësie, ku pas përplasjes verbale kanë nisur të godasin njëri-tjetrin me mjete prerëse dhe sende të forta.
Mësohet se shtetasi me inicialet E.H., ka goditur me thikë dhe sende të forta shtetasit me inicialet K.S., 34 vjeç, banues në Mbyet dhe G.H., 58 vjeç, banues në Berat.
Ndërkohë, një prej të plagosurve nuk është mjaftuar me kaq, pasi ka goditur me thikë shtetasin me inicialet S.H., 21 vjeç. të cilët ndodhen në Spitalin Rajonal Fier nën kujdesin e mjekëve. Për ngjarjen në fjalë në pranga janë vënë shtetasi me inicialet E.H., dhe shtetasi me inicialet K.S.
