Meta nuk i ndahet Besnik Muçit, e thërret me urgjencë në Presidencë, ja çfarë pritet të ndodhë

Një ditë pasi Besnik Muçi u shkarkua nga KPA, kreu i shtetit Ilir Meta ka vendosur ta ftojë atë në Presidencë.

Ky takim mësohet se do të ketë në fokus situatën e krijuar në Gjykatën Kushtetuese, në një kohë kur Vettingu dogji Besnik Muçin, anëtarin e dekretuar nga Ilir Meta.

Ai u shkarkua nga Komisioni i Posaçëm i Apelimit për shkak se nuk arriti të justifikonte pasurinë dhe kështu ‘ngeci’ në rrjetën e drejtësisë.

Më vonë pritet që presidenca të japë një deklaratë zyrtare në lidhje me këtë takim.

Kujtojmë se sot Besnik Muçi i dërgoi një letër Gjykatës Kushtetuese ku ndër të tjera i kërkoi që të jepej një vendim nëse ai do të ushtronte detyrën si anëtar i saj apo jo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ana tjetër dhe Ilir Meta e ka quajtur si antikushtetues vendimin e KPA ndaj Besnik Muçit për ta shkarkuar atë nga detyra si prokuror dhe njëkohësisht si anëtar i Gjykatës Kushtetuese.